ជំនួបសម្តែងការគួរសម

ភ្នំពេញ, រសៀលថ្ងៃទី៦ ខែកញ្ញា ឆ្នាំ២០២៣៖ ក្នុងជំនួបសម្តែងការគួរសមជាមួយឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា បន្ទាប់ពីទើបមកដល់រាជធានីភ្នំពេញ ដើម្បីបំពេញតួនាទីជាទីប្រឹក្សាសេដ្ឋកិច្ចនិងពាណិជ្ជកម្មអមស្ថានទូតនៃសាធារណរដ្ឋប្រជាមានិតចិននៅកម្ពុជា លោកស្រី ចុង ជី បានសម្តែងការកោតសរសើរពីការរីកចម្រើនលើគ្រប់វិស័យនៃការអភិវឌ្ឍន៍សេដ្ឋកិច្ចកម្ពុជាក្រោមការដឹកនាំរបស់គណៈបក្សប្រជាជនកម្ពុជា។ លោកស្រី បានអបអរសាទរយ៉ាងក្លៀវក្លាបំផុតចំពោះជ័យជម្នះជាប្រវត្តិសាស្ត្រក្នុងការបោះឆ្នោតកាលពីខែកក្កដាឆ្នាំ២០២៣កន្លងទៅ ដែលនាំដល់ការបង្កើតរដ្ឋាភិបាលដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ លោកស្រីមានជំនឿយ៉ាងមុតមាំចំពោះការដឹកនាំរបស់សម្តេចធិបតីនាយករដ្ឋមន្ត្រី ដែលនឹងជួយឱ្យការអភិវឌ្ឍសេដ្ឋកិច្ចកាន់តែរីកចម្រើនទៅមុខ។ ឯកឧត្តម ជា វុទ្ធី បានសម្តែងនូវការស្វាគមន៍យ៉ាងកក់ក្តៅចំពោះលោកស្រីដែលមកបំពេញភារកិច្ចក្នុងតួនាទីដ៏សំខាន់។ ឯកឧត្តមសង្ឃឹមថាកិច្ចសហប្រតិបត្តិការវិនិយោគកម្ពុជា-ចិន នឹងសម្រេចបានផ្លែផ្កាល្អបន្ថែមទៀត។ ឯកឧត្តមបានសង្កត់ធ្ងន់លើការរួមគ្នាអនុវត្តអនុស្សារណៈយោគយល់គ្នាដែលក្រុមប្រឹក្សាអភិវឌ្ឍន៍កម្ពុជា និងក្រសួងពាណិជ្ជ- កម្មចិន បានចុះហត្ថលេខាកន្លងមកដើម្បីបង្កើតយន្តការពង្រឹងកិច្ចសហប្រតិបត្តិការវិនិយោគនិងសេដ្ឋកិច្ច។ ចំពោះមុខ ក្រុមប្រឹក្សាអភិវឌ្ឍន៍កម្ពុជា និងមិត្តចិន តាមរយៈគណៈកម្មាធិការជាតិអភិវឌ្ឍន៍និងកំណែទម្រង់និងក្រសួង