កិច្ចព្រមព្រៀងពាណិជ្ជកម្មមានសក្តានុពល
កម្ពុជាជាសមាជិកអាស៊ាន និងជាផ្នែកមួយនៃកិច្ចព្រមព្រៀងពាណិជ្ជកម្មសេរីក្នុងតំបន់អាស៊ាន ព្រមទាំងកិច្ចព្រមព្រៀងពាណិជ្ជកម្មសេរីរបស់អាស៊ានជាមួយប្រទេសចិន ជប៉ុន កូរ៉េ ឥណ្ឌា អូស្ត្រាលី និងនូវែលសេឡង់។ លើសពីនេះ កម្ពុជាជាហត្ថលេខីនៃភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មដ៏ធំបំផុតរបស់ពិភពលោក ដែលតភ្ជាប់ប្រមាណ ៣០% នៃចំនួនប្រជាជន និងទិន្នផលពិភពលោក។
ការរីកលូតលាស់ហេដ្ឋារចនាសម្ព័ន្ធដឹកជញ្ជូន
កម្ពុជាជាចំណុចស្នូលក្នុងគម្រោងអភិវឌ្ឍច្រករបៀងសេដ្ឋកិច្ចភាគខាងត្បូង (SEC) ដែលតភ្ជាប់ប្រទេសមីយ៉ាន់ម៉ា ថៃ និងវៀតណាម ដែលទីក្រុងភ្នំពេញស្ថិតនៅចំកណ្តាលសម្រាប់តភ្ជាប់ទីក្រុងបាងកក ទៅកាន់ទីក្រុងហូជីមិញ។
ប្រទេសកម្ពុជាមានអាកាសយានដ្ឋានអន្តរជាតិចំនួន ៣ តភ្ជាប់ទៅកាន់ទីផ្សារសំខាន់ៗជុំវិញពិភពលោក។ តំបន់សេដ្ឋកិច្ចពិសេសក្រុងព្រះសីហនុស្ថិតនៅតាមបណ្តោយឆ្នេរសមុទ្រកម្ពុជា ត្រូវបានតភ្ជាប់ដោយផ្លូវថ្នល់ ផ្លូវដែក ផ្លូវទឹក និងផ្លូវអាកាសទៅកាន់មជ្ឈមណ្ឌលពាណិជ្ជកម្មអន្តរជាតិសំខាន់នានាៗ។ លើសពីនេះ ការវិនិយោគ ១.៩ ពាន់លានដុល្លារលើផ្លូវល្បឿនលឿនភ្នំពេញ-ព្រះសីហនុ ដែលភ្ជាប់ពីរាជធានីទៅខេត្តជាប់ឆ្នេរសមុទ្រដ៏មានសក្តានុពល នឹងបញ្ចប់ការសាងសង់នាពេលឆាប់ៗនេះ។
ទីតាំងស្ថិតនៅជិតទីផ្សារសំខាន់ៗ
មានព្រំដែនជាមួយប្រទេសថៃ វៀតណាម និងឡាវ ប្រទេសកម្ពុជាអាចភ្ជាប់ទៅកាន់ទីផ្សារទាំងបីរបស់អាស៊ានបានតែប៉ុន្មានម៉ោងប៉ុណ្ណោះតាមរយៈផ្លូវគោក ។
តំបន់សេដ្ឋកិច្ចពិសេសចំនួន ៤ ស្ថិតនៅជិតព្រំដែនថៃ ខណៈតំបន់សេដ្ឋកិច្ចពិសេសចំនួន ១៣ ស្ថិតនៅព្រំដែនវៀតណាម។
