តួនាទីរបស់ក្រុមប្រឹក្សាអភិវឌ្ឍន៍កម្ពុជា
បេសកម្មរបស់ ក.អ.ក
បេសកកម្មរបស់ ក.អ.ក គឺដើម្បីលើកកម្ពស់ និងសម្រួលដល់ការវិនិយោគបរទេស និងក្នុងស្រុក ដើម្បីសម្រេចបាននូវវិស័យឯកជនដែលមានស្ថិរភាព និងភាពរឹងមាំក្នុងការអភិវឌ្ឍរបស់ប្រទេសកម្ពុជា។
ក.អ.ក ប្តេជ្ញាក្នុងការពន្លឿនការអនុម័តគម្រោងវិនិយោគថ្មី និងផ្តល់នូវសេវាកម្មច្រកចេញចូលតែមួយប្រកបដោយប្រសិទ្ធភាពដល់វិនិយោគិន។
ការបំពេញបេសកកម្មរបស់ ក.អ.ក
ដើម្បីសម្រេចបេសកកម្មខាងលើ ក្រុមប្រឹក្សាអភិវឌ្ឍន៍កម្ពុជា៖
- ផ្តល់ព័ត៌មានដល់វិនិយោគិនដែលមានសក្តានុពល
- ពិនិត្យពាក្យសុំវិនិយោគ និងផ្តល់ការលើកទឹកចិត្ត
- តាមដានគម្រោងវិនិយោគក្រោយការអនុវត្ត
- ផ្តល់សេវាថែទាំដល់វិនិយោគិនក្នុងការអនុវត្តគម្រោងវិនិយោគ
- ផ្តល់វេទិកាសម្រាប់វិស័យឯកជនចូលរួមក្នុងកិច្ចសន្ទនាជាមួយរាជរដ្ឋាភិបាលតាមរយៈវេទិការរដ្ឋាភិបាល-វិស័យឯកជនប្រចាំឆ្នាំ
ក្រុមប្រឹក្សាអភិវឌ្ឍន៍កម្ពុជាធ្វើការយ៉ាងជិតស្និទ្ធជាមួយស្ថាប័នរបស់រាជរដ្ឋាភិបាលផ្សេងទៀត និងចូលរួមប្រតិបត្តិយ៉ាងសកម្មតាមរយៈគណៈកម្មាធិការវិនិយោគកម្ពុជានៃក្រុមប្រឹក្សាវិនិយោគកម្ពុជាដើម្បីធានាថាវិនិយោគិនត្រូវបានគាំទ្រដោយប្រសិទ្ធភាព។
គោលបំណងរបស់ក្រុមប្រឹក្សាអភិវឌ្ឍន៍កម្ពុជា
ចក្ខុវិស័យ និងគោលបំណងរបស់ ក.អ.ក
ចក្ខុវិស័យរបស់ ក.អ.ក
ជាសេនាធិការរបស់រាជរដ្ឋាភិបាលដើម្បីជំរុញការវិនិយោគ ជាមួយនឹងលទ្ធផលការងារប្រកបដោយប្រសិទ្ធភាព និងប្រសិទ្ធផល ដែលនឹងផ្តល់ប្រយោជន៍ដល់ប្រជាជនកម្ពុជា តាមរយៈការកើនឡើងនៃការវិនិយោគ។
គោលបំណងរបស់ ក.អ.ក
គ្រប់គ្រងគោលនយោបាយវិនិយោគវិស័យឯកជនរបស់រាជរដ្ឋាភិបាលកម្ពុជា ទាក់ទាញការវិនិយោគបន្ថែម និងរក្សាបាននូវផលិតភាពនៃការវិនិយោគពីវិស័យឯកជន។
គុណតម្លៃរបស់ ក.អ.ក
រាល់កិច្ចការរបស់ក្រុមប្រឹក្សាអភិវឌ្ឍន៍កម្ពុជាតែងតែរួមមាន៖
- ការយកចិត្តទុកដាក់ និងផ្តោតទៅលើវិនិយោគិន
- កិច្ចសហប្រតិបត្តិការនៅក្នុង ក.អ.ក និងជាមួយស្ថាប័នដទៃទៀត
- សុចរិតភាពនិងភាពស្មោះត្រង់
- ការបើកចំហចំពោះគំនិតថ្មីៗ
- ទំនាក់ទំនង និងការងារជាក្រុម