ប្រទេសនាំមុខក្នុងការនាំចេញសំលៀកបំពាក់លើសកលលោក
នៅក្នុងឆ្នាំ២០១៧ ប្រទេសកម្ពុជាបានក្លាយជាប្រទេសដែលមានចំណាត់ថ្នាក់ទី៩ ក្នុងចំណោមប្រទេសដែលមានការផលិតសំលៀកបំពាក់បានច្រើនជាងគេទូទាំងសកលលោក ជាមួយនឹងការនាំចេញគិតជាភាគរយចំនួន ១.៥% នៃការនាំចេញសំលៀកបំពាក់សរុបជុំវិញពិភពលោក ។ នៅឆ្នាំបន្ទាប់ ឆ្នាំ២០១៨ ការនាំចេញសរុបនៃផលិតផលក្នុងវិស័យនេះ គិតជាទីកប្រាក់មានចំនួនជាង ១០ ប៊ីលានដុល្លាសហរដ្ឋអាមេរិក ដោយការនាំចេញជាផលិតផល សំលៀលបំពាក់ស្មើ ៨២% ស្បែកជើង ១១% វាយភ័ណ្ឌ ០៧% ។
ការរីកលូតលាស់យ៉ាងរហ័ស
នៅក្នុងឆ្នាំ២០១៨ វិស័យសំលៀកបំពាក់ និងស្បែកជើង ផ្ដល់ចំណូលដល់ប្រទេសកម្ពុជាប្រមាណ៧៤% នៃចំណូលនាំចេញសរុប ។ នៅចុងឆ្នាំ២០១៨ ប្រទេសកម្ពុជាមានរោងចក្រកាត់ដេរសរុបចំនួន៦២៥ និងរោងចក្រស្បែកជើងសរុបចំនួន ៨៣ ក្នុងប្រតិបត្តិការ ។ វិស័យនេះផងដែរ បានក្លាយជាវិស័យដ៏សំខាន់ក្នុងការផ្ដល់ការងារក្រៅពីវិស័យកសិកម្ម ដែលមានកម្មករ កម្មការនី សរុបជាង ៧៥៤,០០០ នាក់ ។
កិច្ចព្រមព្រៀងពាណិជ្ជកម្ម
កម្ពុជាបានបង្កើតកិច្ចព្រមព្រៀងពាណិជ្ជកម្មដោយជោគជ័យ ឬការអនុគ្រោះពិសេសផ្សេងៗ ជាមួយប្រទេសជាដៃគូដូចជា ប្រទេសនៅក្នុងសហភាពអឺរ៉ុប សហរដ្ឋអាមេរិក សាធារណរដ្ឋប្រជាមានិតចិន ប្រទេសជប៉ុន និងប្រទេសក្នុងអាស៊ាន។ កិច្ចព្រមព្រៀងពាណិជ្ជកម្មនេះ អនុញ្ញាតឱ្យការនាំចេញទៅកាន់ប្រទេសជាដៃគូទាំងនោះ ទទួលបានការអនុគ្រោះពាណិជ្ជកម្មផ្សេងៗដូចជា តម្លៃនៃការនាំចេញមានអត្រាទាប ការនាំចេញមិនមានចំនួនកំណត់ និងការទទួលបានការលើកលែងពន្ធ ។
